Skipulag hlaupadags

Dagsetning birtingar: Jun 25, 2013 2:58:32 PM

Þá styttist í Þorvaldsdalsskokkið sem haldið verður 29. júní n.k. Á hlaupadag verður allt með hefðbundnu sniði. Hægt er að nálgast keppnisnúmer og önnur gögn við Árskógsskóla frá kl. 10:15 en kl. 11:00 leggur rúta af stað frá Árskógsskóla og flytur keppendur að rásmarki við Fornhaga í Hörgárdal. Það gefur keppendum færi á að geyma bíla sína við mark hlaupsins. Einnig geta keppendur mætt beint í Fornhaga og geta þá fengið keppnisnúmer sitt þar en við hefjum hlaupið kl. 12:00.

Að hlaupi loknu er tilvalið fyrir keppendur að skola af sér rykið í Jónasarlaug á Þelamörk en þar fæst ókeypis aðgangur laugardaginn 29. júní með framvísun þátttökupenings.

Veturinn að þessu sinni var frekar snjóþungur og voraði seint á norðurlandi og mega keppendur því búast við óvenju miklum snjó á dalnum auk þess sem allar mýrar eru væntanlega mjög blautar. Biðjum við keppendur að vera viðbúnir þessum aðstæðum og búa sig vel.

Veður hefur leikið við norðlendinga undanfarið og skv. veðurspá veðurstofunnar lítur út fyrir sunnanátt á hlaupdag en þar sem sú spá er nokkra daga fram í tímann hvetjum við þátttakendur til að fylgjast með veðurspá og sömuleiðis huga að hlaupaveðri að morgni hlaupdags.